Arabako Dantzarien Biltzarrak antolatuta, Fandango eta Arin-arin Koreografien XV. txapelketa egingo da abenduaren 19an, 19:00etan, Gasteizko Hegoalde gizarte-etxeko Jesús Ibáñez de Matauco antzokian.
Txapelketa Euskal Herriko dantza talde guztiei zuzenduta dago, eta bi atal izango ditu: koreografien txapelketa eta Arabako Dantzarien Biltzarrako taldeen dantza solteko erakustaldia.
Izen-ematea azaroaren 1etik 30era egongo da zabalik. Parte hartu nahi duten taldeek izen-emate formularioa bete beharko dute.
Oinarriak eta informazio gehiago: Arabako Dantzarien Biltzarra