Euskal folklorea Basauriko kaleetan irailaren 19tik 21era
Basaurin ospatuko da asteburu honetan Euskal Herriko Dantza Agerketaren 53. edizioa, hau da, urtero gure folklore tradizionala gordetzen duten herrietara hurbiltzen gaituen ekitaldia.
Irailaren 19tik (ostirala) 21era (igandea), kaleak eta eszenatokiak dantzaz eta herri musikaz beteko dira guztiontzako doako ekitaldi batean.
Aurten Euskal Herriko lurralde desberdinetatik etorritako bost taldek hartuko dute parte jaialdian: Mendexako Dantza Taldea (Bizkaia), Tolosako Udaberri (Gipuzkoa), Gasteizko Indarra Dantza Taldea (Araba), Zuberoako Atharratzeko Dantzariak (Iparralde) eta, lehen aldiz, Basaurin, Murchanteko (Nafarroa) “makil dantza” tradizionala.
Programazioa ostiralean hasiko da, hilak 19, 18:30ean, Solobarriako karpan. Haurrentzako tailerrak izango dira: erraldoiak, txapak, pintura eta musika-tresnak, buruko zapi tailer batekin batera. Aldi berean, txorizo sagardotan dastaketa herrikoia eta, ondoren, erromeria herrikoia izango dira. Ekitaldia amaitzeko, Basauri Kantari taldearen emanaldia egongo da 20:30etan Solobarria plazatik.
Larunbatean, hilak 20, ekitaldi nagusia egingo da. 18:00etan kalejira hasiko da Social Antzokitik, eta kaleak zeharkatuko ditu. 19:00etatik aurrera, talde gonbidatuek beren ikuskizuna eskainiko dute Social Antzokian.
Edizioari amaiera emateko, hilaren 21ean, igandean, 19:00etan, Basauriko Agintzari, Basauritar eta Edurre taldeak arituko dira Social Antzokian.